QUEUE. s. f. Ce mot se dit de toutes sortes de bestes, comme Animaux à quatre pieds, oiseaux, reptiles et poissons. En parlant des animaux à quatre

pieds, il signifie cette partie qui est au bout de l'espine du dos, comme une continuation des vertebres, et qui est ordinairement couverte de poil. Le bout de la queüe. le tronc de la queüe. un noeud de la queüe. la queüe d'un cheval, d'un taureau, d'un mouton, d'un renard. grosse queüe. courte queüe. queüe espaisse. chevaux à longue queüe, à courte queüe. les chevaux s'émouchent avec leur queüe, de leur queüe. ce chien flatte de la queüe. couper la queüe à un cheval, à un chien. un Lion qui se bat les flancs de sa queüe.
     On appelle, Queüe de mouton, Une piece de viande qui est prise du quartier de derriere d'un mouton, et où la queüe tient. Servir une queüe de mouton.
     En parlant de Fourrure, on appelle, Queüe de marte, La peau et le poil de la queüe d'une Marte passée et accommodée. Une robe fourrée de queüe de marte.
     On dit prov. et fig. Brider son cheval par la queüe, pour dire, Commencer une affaire par où on devroit la finir. Et on dit aussi prov. et fig. d'Un homme qui a peine à avoir dequoy vivre, qu'Il tire le diable par la queüe.
     On dit prov. et bass. Il n'en est pas resté la queüe d'un, la queüe d'une, pour dire, Il n'en est resté aucun, aucune. Tous les soldats furent passez au fil de l'espée. il n'en resta pas la queüe d'un. ils ont dérobé toutes mes pesches, toutes mes poires, il n'en est pas demeuré la queüe d'une.
     On dit prov. qu'Il viendra un temps où les vaches auront besoin de leur queüe, pour dire, qu'On aura un jour besoin de ce qu'on neglige, de ce qu'on mesprise.
     On dit, d'Un homme qui a paru confus de ce qu'une affaire ne luy avoit pas reussi, qu'Il s'en est retourné honteusement la queuë entre les jambes.
     On dit, qu'On a pris une affaire par la teste et par la queuë, pour dire, qu'On l'a tournée et examinée de toutes manieres.
     On dit prov. d'Un homme qui arrive en une compagnie dans le temps qu'on parle de luy, Quand on parle du loup on en voit la queüe. Et il y a un Jeu d'enfans qu'on appelle, à la queüe leu leu.
     Queüe, En parlant des oiseaux, se dit des plumes qui leur sortent du croupion, et qui leur servent ordinairement comme de gouvernail pour se conduire dans l'air. La queüe des hirondelles est fourchée. cela est fait en queüe d'hirondelle. une queüe de paon. un paon qui se mire dans sa queüe. ce coq a une belle queüe.
     Queüe, En parlant des poissons, des serpents, des lezards et de quelques insectes, est la partie qui s'estend du ventre en embas. Queüe de morüe. queüe de saumon. ce scorpion pique de la queüe. une baleine peut renverser une barque d'un coup de queüe. un serpent qui se mord la queüe, estoit chez les Egyptiens le symbole de l'année.
     On dit prov. A la queüe gist le venin, le venin est à la queuë, pour dire, qu'Il est à craindre que la fin d'une affaire ne soit fascheuse, quoy que le commencement ne le soit pas.
     On dit prov. Escorcher l'anguille par la queüe, pour dire, Commencer par où l'on doit finir, et par l'endroit le plus difficile: Et on dit, qu'Il n'y a rien de plus difficile à escorcher que la queüe, pour dire, qu'Ordinairement il n'y a rien de plus difficile dans une affaire que de l'achever.
     Queüe, se dit aussi en parlant des Fleurs, des feüilles, des fruits, et signifie cette partie par laquelle ils tiennent aux arbres, aux plantes. La queuë des violettes, des roses etc. des melons des citroüilles, des fraises, des framboises, etc. Cerises à longue queuë, à courte queuë. les feüilles de tremble ont la queuë longue. il ne faut pas rompre la queuë des fruits que l'on veut garder.
     En parlant de certaines Fleurs, comme Tulippes, Lys, Narcisses, on appelle, Queuë, quand elles sont cueillies, ce qu'on appelle, Tige dans ces mesmes fleurs, lors qu'elles sont encore sur pied.
     Queuë, se dit encore de plusieurs autres choses qui ressemblent en quelque façon à une queüe: comme dans des Lettres de Chancellerie, cette partie du parchemin qu'on coupe en forme de queüe, pour y attacher le sceau. Scellé à double queuë.
     En certaines lettres de l'Alphabet, comme au g, au p, etc. on appelle, Queuë, ce qui excede par en bas le corps de la lettre.
     On appelle, La queuë d'une Comete, Une longue trainée de lumiere qui suit le corps de la comete.
     On appelle, La queuë de la poësle, La longue piece de fer qui est attachée au corps de la poësle, et qui sert à la tenir. Et on dit prov. Il n'y en a point de si empesché que celuy qui tient la queuë de la poësle, pour dire, que Celuy qui a la principale conduite d'une affaire, est le plus embarrassé.
     On appelle, La queuë du Moulin, Cette grande piece de bois qui sert à faire tourner le moulin sur son pivot.
     Queuë d'aronde. Terme de Menuiserie qui se dit d'un certain tenon, d'une certaine piece de liaison taillée en queüe d'hirondelle.
     Queuë. Le bout, la fin de quelque chose. La queuë d'un estang. à la queuë du bois, de la forest. la queuë de l'hiver a esté rude. Le proverbe dit: Mi May queuë d'hyver.
     Queuë, se dit encore de l'extremité d'un manteau, et d'une robe d'homme ou de femme, qui traisne par derriere. Robe à queuë traisnante. les Prelats, les Officiers considerables, les Dames se font porter la queuë. la queuë d'un manteau. la queuë d'une chape de Cardinal.
     Queuë, signifie aussi, La derniere partie, les derniers rangs de quelque Corps, de quelque Compagnie, comme, La queuë d'une procession. la queuë du Parlement, d'un regiment, d'une armée. c'est le dernier reçû, il est à la queuë, tout à la queuë. se mettre à la queuë. prendre la queuë. charger une armée, un regiment, etc. en queuë. donner en queuë. donner sur la queuë d'une armée. prendre en flanc et en queuë.
     On dit aussi, A la queuë, en queuë, pour dire A la suite, immediatement aprés. Il estoit à la queuë de la tranchée, à la queuë des travaux. le bagage suivoit en queuë, estoit à la queuë. ce Regiment estoit à la queuë des chariots. Le repentir n'est pas loin du crime, il le suit tousjours en queuë.
     On dit encore, A la queuë, en queuë, pour dire, A la poursuite de quelqu'un, aux trousses de quelqu'un. Avoir les ennemis en queuë. il a fait un mauvais coup, les Prevosts sont à sa queuë. il a le Prevost en queuë. laissez-moy faire, je luy mettray un homme en queuë qui le hastera bien d'aller.
     Queuë à queuë. adv. A la file, immediatement l'un aprés l'autre. Ces loups se suivoient queuë à queuë. attacher des chevaux queuë à queuë. ces hommes marchent queuë à queuë. ces bateaux estoient queuë à queuë.
     Queuë, se dit fig. de la Suite et du train des Princes, des Ambassadeurs, etc. Les Princes, les Ambassadeurs ont aprés eux une longue queuë.
     Queuë, se dit aussi fig. de la Suite d'une affaire. Cette affaire aura une fascheuse queuë, une longue queuë. ne laissons point de queuë. ce malheur en entraisne

plusieurs autres à sa queuë. ne point laisser, ne point faire de queuë dans un payement.
     Lors qu'aprés les noms de Monsieur, Madame, Mademoiselle, et autres noms de dignité, comme Prince, Duc, Comte, on n'ajouste rien, on dit pop. pour signifier qu'on ne doit rien ajouster à ces noms et à ces dignitez. C'est Monsieur sans queuë. Madame sans queuë. Mademoiselle sans queuë. Monsieur le Prince sans queuë. Monsieur le Duc sans queuë.