[s.v. Habillement]
/./ Il est aussi vsurpé en termes de guerre pour l'armure & harnois, de tout le corps de l'homme d'armes, soit heaume, ventaille, bassinet, cappeline, corps de cuyrasse ou hallecret, brassals, cuyssotes, greues & autres pieces dudit harnois. Nicole Gilles en ses Annales: Iceluy Ninus trouua premier les harnois & habillements de guerre. Et quand on en veut particulariser vne piece, on le fait par adionction, comme, Habillement de teste pour le heaume, &c. (N 1606)

[s.v. Hache]
Hache, f. penac. C'est vn instrument de fer de quoy on fend le bois, Securis & Ascia, dont il semble estre deriué. On appelle aussi vne hache d'armes vn baston de guerre tout de fer, en façon de hache, dont les hommes d'armes vsent au combat apres la lance brisée, dont elle est appelée hache d'armes. /./ (ND 1573)

[s.v. Halebarde]
Halebarde, f. penacut. Est vne espece d'arme, ayant au bout d'enhaut vn fer large, façonné de sorte qu'estant enfoncé dedans vn corps, il n'en peut sortir qu'en accroissant la playe, pour auoir des poinctes qui s'accrochent en la retirant aux parties ioingnants l'vlcere qu'elle a fait à son entrée, & les deschirent auec plus grande violence & ouuerture, & du milieu dudit fer large s'auance vne longue & forte poincte, propre à repoulser vne inuasion, & resister mesme à ceux qui sont armez de toutes pieces. La hante en est longue, & en plusieurs garnie d'vne petite poincte de fer au bout d'en-bas, que le soldat fiche en terre, quand il fait halte, Hasta. (N 1606)

[s.v. Halecret]
Halecret, m. acut. Est la couuerture & armure de fer, dont le gendarme & le picquier sont armez par le bust du corps, sans brassals ne fauldieres, qu'on dit aussi Corselet, parce qu'il n'arme que le corps, sans plus, Thorax, aut potius Lorica. (N 1606)

[s.v. Hanter]
Gendarme qui ne hante point, ou bien peu la guerre, Infrequens miles. (E 1549)

[s.v. Harnois]
Harnois d'homme d'armes, Grauis armatura, Lorica, Arma. (E 1539)

[s.v. Haubert]
Haubert, m. acut. C'est proprement vne cotte de maille à manches & gorgerin, au 2. liure d'Amadis: Neantmoins Amadis se releua de grande legereté encore qu'il luy fust demeuré vn tronçon de lance dedans la manche de son haubert, & au premier liure; Amadis l'attaignit, & luy donna vn coup du bout de l'espée, de laquelle il luy fendit le haubert tout le long des reins. On l'appelle aussi Haubergeon en diminutif Au Calendrier, Nous vestons le haubergeon d'humilité contre orgueil. Les anciens hommes d'armes François de trois cens ans en sus, n'vsoyent communément de haulsecol, braçals ne cuyssols, couurant le haubert ces endroicts du corps sur lequel ils portoyent la cotte d'armes de fer à lambeaux en la fauldiere, l'escu pendant du col en escharpe, greues & souliers de lames d'acier, & gantelets pour toutes armes defensiues, ainsi qu'on peut veoir és anciens sepulchres dudit temps. Iehan le Maire au liur. 1. chap. 22. des Illustrations: Si commanda generalement à tous de prendre tels harnois qu'ils trouueroyent de prime face. Si comme vieux laques enflez de coton, hauberts de double maille, & lasserans rouillez, &c. Auiourd'huy l'homme d'armes porte le corps de cuyrasse au lieu desdits haubert & cotte d'armes, le haulsecol, braçals, & cuissots au lieu du gorgerin, manches & tassettes d'iceluy haulbert, voyez Fief de Haubert. (ND 1573)

[s.v. Haut]
/./ Hauts faicts de guerre pour grands faicts d'armes en la traduction de Iosephe par des Essars. /./ (ND 1573)

[s.v. Haulser]
Haulser les gages des gensdarmes, Augere vectigalia belli. (E 1539 = "gensd'armes")

[s.v. Heaulme]
Heaulme, m. penac. Habillement de teste de l'homme d'armes, ce qu'en Amadis est Armet, l'Italien l'appelle aussi Elmo & Elmeto, l'Espagnol Yelmo, & l'Alemand Helm. (ND 1573)

[s.v. Herault]
Herault, m. acut. Est vn officier d'armes d'vn Prince souuerain, ayant droict de porter la cotte d'armes ou blason dudit Prince, dont il est herault, auquel on commet ordinairement les desfis publiques, & denonciations de guerre, combien que aussi en temps de paix il face les entrecours d'un Prince à autre en plusieurs affaires, auquel appartient la decision des blasons des Princes, Seigneurs, & Cheualiers: & les cris & proclamations, soit en combats en camp clos à outrance, ou és tournois de courtoisie, l'Alemand l'appelle Herold, l'Italien Araldo, & l'Espagnol Faraute ou Haraute. (combien que Nebrisse die Faraute estre vn Trucheman) & est le degré du milieu, entre Poursuyuant & Roy d'armes. Gaguin en sa Rapsodie des Herauts, dit que ce mot signifie seigneur noble, vieux & ancien, ce qu'il peut auoir tiré dudit mot Alemand, composé de Herr, qui signifie seigneur, & Alt, ou Alter, qui signifie vieillesse & grand aage, aussi l'ordre des Herauts fut ou premier establi de tres-vaillans, sages, preud'hommes, nobles & vieux cheualiers, sans reproche, pleins de proüesse & hauts faits d'armes, ià paruenus à l'aage excedant les bornes de l'exercice des armes, qui estoient deputez aux iugemens des batailles & questions de guerres, estans assermentez de faire vrais rapports des exploicts de leurs charges, d'amis & d'ennemis, à amis & ennemis, sans y adiouster ne oster malicieusement parole quelconque, sur peine d'auoir les langues traictes. Executans lesquelles charges doiuent porter aux champs les cottes d'armes de leurs seigneurs. Fecialis. Combien que le pouuoir & charge du Herault semble s'estendre en plus de choses, que ne faisoit enuers les Romains celuy dudit Fecialis. Feron l'escrit par d. Herauld, conforméement à l'Alemand, Herold. Ce que fait l'Italien aussi, Araldo. (N 1606); cf. ND 1573:

[s.v. Herault]
Le herault d'armes du peuple Romain creé pour défier vn ennemi, & luy denoncer la guerre, Pater patratus. (E 1539)

[s.v. Herault]
Heraults d'armes qui estoient anciennement prins du nombre des prestres, ordonnez pour denoncer la guerre, & faire certains autres affaires concernans le fait de la guerre, Feciales fecialium. (E 1539)