[s.v. Jaques]
/./ Estant l'armeure de maille si vsitée enuers les anciens hommes d'armes, que comme se voit en plusieurs leurs tombeaux, & le heaume & les greues en estoient faites, /./ (N 1606)

[s.v. Introduire]
/./ Car comme celuy qui mene au dedans de quelque lieu celuy qui estoit dehors, le met en l'interieur d'iceluy: ainsi qui met l'incognu ou non familier en la cognoissance, priuauté & amitié d'aucun, semble le mettre en l'interieur du coeur d'iceluy, par laquelle mesme raison les anciens disoyent Introduire vn ieune damoiseau aux armes & en la cheuallerie, & lon dit à toute heure Introduire aucun aux lettres & bonnes moeurs, c. luy monstrer & enseigner l'art des armes & de cheuallerie, les lettres, sciences & bonnes moeurs, par ce que celuy qui instruit aucun esdites choses, il le mene comme par la main en l'interieure cognoissance d'icelles. /./ (N 1606)

[s.v. Journée]
/./ tout ainsi qu'és combats particuliers en camp clos, la meslée de deux combatans auec armes preveuës & pareilles, estoit vsitée pour de leur different auoir le iugement de Dieu, lequel ils estimoient estre pour celuy qui demeuroit maistre du camp & victorieux de son aduersaire. /./ (N 1606)