[s.v. Perron]
/./ L'vsage en est escrit au 2. liure d'Amadis de Gaule en ces mots: /./ Et sur l'entrée de la chambre: Celuy qui entrera ceans, excedera en armes Apolidon, & sera apres luy seigneur de ce pays. /./ Par lequel discours & autre qui sensuit audit chappitre, se peut voir que les cheualiers anciennement en vn festin royal ou court planiere, ou autre grande assemblée de haute court, vsoient de ceste assiete de perrons en vn pas de combat, qui estoit ouuert par les tenans, ausquels perrons il conuenoit aux assaillans combatre pour les franchir & auoir honneur en forceant le pas, & aux tenans de les rebouter par force d'armes & appertise au combat, & que c'estoit vne meslée courtoise des deux partis, à la semblance de celle qui est à oultrance & fer esmolu, entre les assaillans & defendans vne frontiere. /./ (N 1606)

[s.v. Peuple]
Quand vne partie du peuple par vne sedition se bande, &t se depart d'auec les autres, auec deliberation de maintenir sa querelle par voye de fait, & par armes, Secessionem facere. (E 1539)

[s.v. Piece]
¶ La haute piece, Humerale. B. ex Paulo, c'est vne piece de harnois d'vn homme d'armes. (E 1549)

[s.v. Pillage]
Mettre vn gendarme en appetit de pillage, Imbuere praeda ciuili militem. B. ex Tacit. (E 1549)

[s.v. Pistole]
Pistole, f. penac. Est vne espece de harquebouse à rouët, courte & maniable à vne seule main pour en tirer. Instrument de guerre pour gens de cheual d'inuention Alemande, arme de leurs Reistres, c'est à dire de leurs gens de cheual, depuis qu'ils ont quitté la lance. Elle est plus grande que le pistolet. (N 1606)

[s.v. Pistolier]
Pistolier, m. acut. Est celuy qui combat de pistole en la guerre, mesme l'homme de cheual combattant de cette arme. Selon ce on dit, Le Roy a en son armée vingt mille Pistoliers, c. vingt mille hommes de cheual, armez en combattans de pistoles: Car les gens de pied vsent de harquebouses, & sont appelez harquebousiers simplement, & s'ils sont à cheual, sont par adionction & marque extraordinaire appelez harquebousiers à cheual, Equites sclopetarij. (N 1606)

[s.v. Poignard]
Poignard, m. acut. Est vne espece de dague courte, la lame à quatre arestes, ayant la poincte en grain d'orge, là où la dague à la lame plus large, & la poincte en façon d'espée; Aussi Festus dit que Pugio, qui signifie poignard, est ainsi appelé, Quod eo punctim pugnatur, seruant le poignard à estocquer plus que à autre façon de combatre. Le mot François, & l'Espagnol & Italien, Puñal & Pugnale, se deriuent de cet autre mot Latin Pugnus, à quoy le mot Grec égkhéiridion, qui aussi signifie poignard, fauorise; soit parce que celuy qui le porte, met pour contenance ordinairement la main sur le poignard, comme sur vne arme manuelle. Saint Augustin interpretant au 2. liure des Retractations chap. 63. ledit mot égkhéiridion, ce que onc ne part d'entre les mains, soit qu'il soit arme aisée à mettre au poing (car on dit aussi mettre l'espée au poing) & est le poignard au regard de la dague, ce qu'est l'estoc au regard de l'espée. (N 1606)

[s.v. Port]
Port d'armes, Vis armata. B. (E 1549)

[s.v. Possession]
Ordonner que celuy par le moyen duquel vne partie pretendoit auoir esté iettée par armes de sa possession, reintegrast & remist celuy qui se disoit estre deietté, en ladite possession, Interdicere de vi hominibus armatis. (E 1539)

[s.v. Poulser]
Poulser rudement les gensdarmes du haut en bas, Deturbare milites in insidiis & stationibus. (E 1539)

[s.v. Pourparlé]
Pourparlé ou plustost, Pourparler, Nom m. acut. Est l'entremise & deduction de parole en allées & venuës, & le deuis, qui sont faits par mediateurs, ou par les parties principales pour paruernir {=parvenir} à vn accord, soit de paix, trefue, surseance d'armes, mariage, ou autre telle chose, Praefationes. /./ (N 1606)

[s.v. Pourpre]
/./ Et est l'vne des cinq couleurs retenuës par les Herauts d'armes aux blasons d'armoiries. /./ (N 1606)

[s.v. Poursuivir]
/./ dont sont appelez Poursuyvans ceux qui pour paruenir à la dignité de Heraut, vont par l'espace de sept ans errans de contrée en contrée pour voir & apprendre & sçauoir rapporter ce qu'ils auront veu en fait d'armes, Courts, honneurs, blasons & tournois de diuers Princes /./ (N 1606)

[s.v. Poursuivant]
/./ Et est le nom du bachelier en l'ordre & college des Herauts. Car le premier degré d'iceluy est d'estre poursuiuant: le second, d'estre Heraut: le tiers & souuerain, d'estre Roy d'armes. /./ Gaguin au traicté des Herauts: Et pource doiuent les Princes, en suiuant les anciens statuts, & pour l'honneur de noblesse eslire ieunes gens de l'aage de vingt ans, bien conditionnez, clercs & endoctrinez pour en faire leurs poursuiuans, &t les enuoyer par tout le monde pour voir, apprendre & cognoistre les grands faits d'armes, batailles, honneurs, Estats, noblesses des Roys & grands Princes de tout le monde, afin qu'aduenant le decez d'aucuns Herauts ils puissent paruenir à leurs offices, pour iuger & cognoistre de tous faits de noblesse, & de droict d'armes, & pour exaucer ceux qui sont vaillans. (N 1606)

[s.v. Prendre]
Faire crier qu'vn chacun prenne les armes, & qu'on s'assemble, Euocare ad arma. (E 1539)

[s.v. Prendre]
Esperance leur auoit esté cause de prendre les armes, Spes eos armauerat. (E 1539)

[s.v. Prest]
Mal prests & de gendarmes & d'argent, Imparati cum a militibus, tum a pecunia. (E 1539 = "gensdarmes")

[s.v. Preu]
Preu, & Preus, m. monosyllab. Semble qu'il vienne de Probus, ou bien c'est vn mot vulgaire François qui signifie, cheualeureux & de grand effort aux armes: aussi les anciens François ont tousiours donné ces epithetes d'honneur aux cheualiers, sage, preux & loyal, ou preux & hardy, car communément preux est prins pour vaillant, comme prouësse pour vaillance, commun aux Espagnols proeza & aux Italiens prodezza. Ainsi dit on les neuf preux, pour les neuf cheualiers segnalez en toute extremité de vaillance, & faits d'armes, voyez Preud'homme. (ND 1573)

[s.v. Preu]
Au fils de preus, est vn cri d'honneur que les Heraux font és ioustes & batailles quand le Cheuallier assaillant, qui vient sur les rangs pour faire armes, est orphelin de pere preux & vaillant, voyez Cri de ioustes. (N 1606)

[s.v. Preud'homme]
/./ au 3. liure d'Amad. /./ Sire voicy venir vers nous l'vn des plus preud'hommes du monde. Qui est-il? respondit le Roy. C'est, dit Galaor, le viellard Grumedan lequel portoit l'enseigne du Roy Lysuart en la bataille contre vous. Par dieu, respondit le Roy Cildadan, preud'homme est il vrayement, car ce iour ie luy vy faire autant d'armes qu'à nul autre de la trouppe, /./ (ND 1573)

[s.v. Province]
Prouince, tout pays loing hors d'Italie, que les Romains auoyent vaincu à force d'armes, ausquels ils enuoyoyent apres des gouuerneurs de leur ville, Prouincia. (E 1539)