AMY lecteur, afin que tu puisses cognoistre facilement, que ç'a esté auec bonne raison, & soucy de ton proffit, que le Libraire a entreprins de mettre en lumiere, & te donner ce beau & grand Dictionaire, qu'on pourroit beaucoup plus iustement appeller le Thresor de la langue Françoise, que cet autre qu'on t'a faict voir il y a deux ans. Car il est enrichy, & augmenté de plus de six mille dictions, & phrases Françoises, plus que tous ceux que tu as veu, iusques à present. I'ay aduisé de marquer à la marge toutes les dictions, ou phrases qu'on y a adiousté de ceste estoille *. Iouys donc de nostre labeur, que nous auons prins tres-volontiers pour ton proffit & vtilité. Adieu.